Sindikat državnih službenika i namještenika snažno podržava borbu Sindikata prosvjete za odbranu prava, pravde i dostojanstva prosvetnih radnika.
“Ne želimo društvo u kome se Granski kolektivni ugovor (GKU), koji ima rang zakona, bez riječi najave i obrazloženja, prosto ignoriše i ne primijeni. Ne želimo društvo u kome se manipuliše sa osnovnim pravima iz rada, kao što je parvo na zagarantovanu zaradu i parvo na štrajk. Ne želimo društvo u kome se pritiscima i dezinformacijama pokušava uticati na slobodno izraženu volju zaposlenih da stupe u štrajk. Ukoliko danas ostanemo nijemi i pasivni, ostvarivanje naših Ustavom, zakonom i kolektivnim ugovorom garantovanih prava i slobodna sutra može biti dovedeno u pitanje”, kazala je predsjednica ovog sindikata Tamara Goliš.
Stoga, nezadovoljstvo zaposlenih u prosvjeti cijene opravdanim i podržavaju štrajk Sindikata prosvjete kao legitimni vid sindikalne borbe usmjeren na zaštitu prava na kolektivno pregovaranje, pravo na poštovanje zakona i kolektivnih ugovora, pravo na pravnu sigurnost i vladavinu prava.
Foto: Arhiva/Printscreen/Skupština
