Tri naoružana muškarca su rano jutros na sjeveru Meksika upala na jednu zabavu u gradu Siudad Obregon, otvorila vatru na učesnike i ubili njih šestoro, dok su 26 ranili.
Među mrtvima dvoje je mlađe od 18 godina, a među ranjenima petoro su djeca.
Četvoro ranjenih je u kritičnom stanju i smješteno je u lokalne bolnice, dok je 13 dobilo medicinsku pomoć i pušteno kućama.
Tužioci u saveznoj državi Sonora koja se graniči sa SAD rekli su da su ubistva zapravo napad na člana jednog narkokartela za kojim je raspisana potjernica zbog ubistva i drugih nedjela.
Na žurci je bio još jedan napadač, koji se preostaloj trojici pridružio kada su upali.
Osumnjičeni član narkokartela pokušao je da im umakne, ali je ubijen.
Napadači su uspjeli da pobjegnu.
Sonora je poprište krvavih obračuna među meksičkim narkokartelima.
Foto: Ilustracija/elements.envato
