Francuski predsjednik Emanuel Makron izjavio je da je napad koji je Hamas izveo u Izraelu 7. oktobra bio „najveći antisemitski masakr našeg vijeka“.
Povodom državne ceremonije odavanja počasti Francuzima ubijenim u tom napadu, Makron je rekao da se svakodnevno bori za oslobađanje trojice Francuza za koje se vjeruje da su i dalje taoci palestinskog islamističkog pokreta.
On je dodao da se ne smije popuštati pred antisemitizmom.
„Ništa ne može da opravda, niti da da izgovor za taj terorizam“, rekao je francuski predsjednik u dvorištu Palate invalida u Parizu, gdje su izložene fotografije žrtava.
U napadu Hamasa, koji je doveo do izraelske vojne operacije u Pojasu Gaze, poginula su 42 francuska državljanina.
Jelisejska palata planira i ceremoniju u znak sjećanja na francuske žrtve izraelskih bombardovanja u Gazi, ali datum i format te komemoracije još nisu određeni.
Foto: European Parliament
