Rukometaši Sutjeske dobro su odradili sezonu, a sigurno bi bila i bolja da nije bilo kadrovskih problema. Posebno se ističe izboreno polufinale Kupa Crne Gore, pa trener ove mlade ekipe Božidar Mušikić ima razloga za zadovoljstvo.
Posljednja utakmica u sezoni za plavo bijele bila je protiv Rudara upravo u polufinalu Kupa, a tim iz Nikšića poražen je 24:21.
U tom meču Mušikić ima za čim da žali s obzirom na to da nije mogao da računa na dva ponajbolja igrača.
Ovaj mladi sastav svoj puni potencijal treba da pokaže tek u godinama koje dolaze, naravno ukoliko se zadrži na okupu, što će biti težak zadatak.
Jedno je sigurno, od ove ekipe pune potencijala prave rezultate možemo očekivati već u narednoj sezoni, a u ovoj se vidio sav raskoš i talenat koji posjeduje.
Ivan Roćenović
Foto/video: RTNK
