U finalu završnog turnira prvenstva Crne Gore za pionirke koji je ovog vikenda odigran u sali Ekonomsko- ugostiteljske škole košarkašice Olimpa savladale su Primorje 57:34.
Nije bilo puno dileme u finalu F4 za pionirke. Domaća ekipa konstantno je bila u prednosti koju je kako je susret odmicao uvećavala. Primorje je pružalo dobar otpor u prvoj i većem dijelu druge četvrtine ali, može se slobodno reći da pobjeda Olimpa nije ni u jednom momentu dolazila u pitanje. Treće mjesto na turniru pripalo je ekipi Sea Stars. Nemanja Grabovica, trener šampionske ekipe očekivano, bio je zadovoljan nakon finala.
Kada su u pitanju individualna priznanja, MVP završnog turnira je Anja Pinter iz Olimpa, dok je najbolji strijelac članica Primorja Petra Sučević.
Dejan Caušević
Foto/video: RTNK
