U 12. kolu Prve futsal lige Onogošt je na svom terenu poražen od Dolciniuma 5:4.
Obje ekipe ušle su oprezno u meč pa stoga nije ni bilo puno pravih prilika. Prva je viđena je 7. minutu kada je Koprivica donio vođstvo gostujućem timu. Već u narednom minutu Onogošt je izjednačio preko Durutovića koji je pokupio odbitak i poslao loptu u prazan gol. Nedugo zatim Ulcinjani uzvraćaju, a precizan je bio Đukić. Do poluvremena bilo je pokušaja na obje strane, ali samo jedan gol i to u mreži domaćina, pa je rezultat nakon prvih 20. minuta bio 1:3.
Drugi dio meča donio je puno uzbuđenja. Imao je Dolcinium 4:1 i 5:2, da bi Onogošt počeo igru sa igračem umjesto golmana. To se brzo isplatilo kada su prišli na 5:4, a uz to imali i veliki broj prilika da dođu makar do boda, ali na kraju je cijeli plijen odnijela ekipa iz Ulcinja.
Nakon ovog kola Onogošt je ostao na osmoj poziciji na tabeli sa devet osvojenih bodova.
Ivan Roćenović
Foto/video: RTNK
