Osmani potvrdila da su Makron i Šolc tražili nove izbore na sjeveru Kosova

Predsjednica Kosova Vjosa Osmani potvrdila je da su francuski predsjednik Emanuel Makron i njemački kancelar Olaf Šolc zatražili održavanje novih izbora u četiri opštine na sjeveru Zvečan, Leposavić, Zubin Potok i Sjeverna Mitrovica.

„Rekla sam mu da smo spremni da razmotrimo tu mogućnost“, rekla je Osmani.

Osmani je rekla i kako je evropskim liderima rekla da zakonske procedure omogućavaju održavanje izbora.

„Informisala sam ih da naša zakonska regulativa dopušta tu mogućnost i spremni smo je razmotriti na temelju Zakona o izborima Kosova“, rekla je Osmani.

Najavila je i da je Kosovo izrazilo spremnost da se izbori održe u slučaju da Srbi sa sjevera Kosova potpišu peticiju koja omogućava raspisivanje novih izbora.

„To znači da Srbi sa sjevera, odnosno oko 20 posto njih koji su na biračkom popisu, mogu potpisati peticiju i njome pokrenuti proces novih izbora. Mi smo spremni poštovati zakon“, izjavila je Osmani.

Izvor: RSE

Foto: Anadolija

NIKŠIĆ PROGNOZA