Na zelenoj pijaci u TC Forum novitet su kupine koje se u zdjelicama od po 200 grama prodaju za 1,50 eura. Isto toliko koštaju i maline, dok je 200 grama borovnica dva eura. Kilogram trešanja prodaje se po cijeni od 4,50 eura. Breskva, nektarina i kajsija su dva eura, dok je šljiva 1,70 eura. Lubenica košta 60 centi, grožđe 2,80 eura, dok su jabuke 1,50, a limun 1,60 eura. Za kilogram banana potrebno je izdvojiti dva eura. Pipun košta 1,20 eura. Kilogram domaće kruške treba platiti dva eura, dok je grejpfut 50 centi skuplji. Pomorandže su od dva do 2,50 eura.
Mlada šargarepa je prodavana za dva eura, cvekla 1,50, a kilogram kupusa je euro. Za kilogram paradajza potrebno je izdvojiti od 80 centi do dva eura, dok je kilogram čeri paradajza koštao četiri eura. Kilogram krastavca je od euro do 1,50, crmnički luk 2,50 eura, a makedonski se mogao kupiti za dva eura. Cijena porog luka je 2,50 eura, a tikvica od euro do 1,50 eura. Crvena paprika se može kupiti za tri eura, babura je prodavana od euro do 1,50 eura po kilogramu, a šilja je od dva do 2,50 eura. Kilogram krompira košta od euro do 1,50 eura.
foto:ilustracija/Dan
