Najtraženije voće ove sedmice na zelenoj pijaci u TC Forum bio je nar.
Za kilogram ovog voća bilo je neophodno izdvojiti 3,50 eura. Na veliko se kupuju i šljive koje po kilogramu koštaju od 1,50 do dva eura. Svaka tezga u ponudi ima iglice koje su cijenjene tri eura. Prodavci prodaju i grožđe pa u zavisnosti od vrste neophodno je izdvojiti od tri do 3,50 eura. Pomorandže su cijenjene dva eura, dok su mandarine 50 centi jeftinije. Za krušne potrebno je izdvojiti dva eura, a jabuke su 40 centi jeftinije, dok su banane cijenjene 1,70 eura. Na pijaci mogu se naći i breskve koje koštaju dva eura.
Za kilogram krompira neophodno je izdvojiti od 0,70 do euro, dok su paprike od euro do 2,50 eura. Luk košta 1,50, a mladi je pet eura, dok je bijeli luk sedam eura. Kilogram paradajza košta od 2,50 do 3,50 eura, a krastavac je od 1,50 do 2,50 eura. Kilogram tikvica košta tri, patlidžana dva, a cvekla je 1,50 eura. Salata je po kilogramu cijenjena pet eura, a blitva je 50 centi jeftinija.
foto: Dan
