U Bijelom Polju i ovog vikenda bili su aktivni požari na čak 14 lokacija, pa je intervenisala Služba zaštite i spašavanja. Od toga, dva su i jutros aktivna zbog nepristupačanosti terena i to Mojstir (dio šume koji se pruža prema Đalovica klisuri) i Obrov prema Zatonu.
Iz te službe portalu RTCG je rečeno da ekipe prate požar i zasad nema ugroženih objekata niti veće opasnosti.
„Intervenisalo se u Zaljevu – dva vozila sa šest vatrogasaca, Obrovu jedno vozilo sa četiri vatrogasca, Borovcu dva vozila sa pet vatrogasaca, Crhalju jedno vozilo sa tri vatrogasaca, Orahovici, takođe tri vatrogasca, Tomaševo šest vvatrogasaca je intervenisalo i Unevina tri vatrogasca“, naveli su iz Službe zaštite i spašavanja.
Ekipe su bile na terenu do ranih jutarnjih sati.
„Na intervencijama Zaljevo, Mojstir i Borovac bile su ugrožene kuće i pomoćni objekti. Uzrok požara i dalje ostaje nepoznat ali je sigurno da je u pitanju ljudski faktor. I ovom prilikom apelujemo na građane da vode računa i budu odgovorniji jer je pričinjena veća materijalna šteta prema prirodi i šumama“, poručuju iz te službe.
Foto: Dan
