Košarkaški klub Sutjeska protiv Borca iz Banjaluke igra posljednji meč na „balonu“ u Širokom Brijegu.
Nikšićani su upisali pobjedu nad Heliosom i Šibenkom.
Sutjeska se nalazi u odličnoj situaciji, pa je nakon sjajnih izdanja prethodnih dana u “Pecari” blizu plasmana u plej-of, što je i bio jedan od ciljeva, koji su postavljeni pred ekipom uoči starta sezone.
Rival ima pobjedu manje na tabeli, a u ovaj meč ulazi nakon kadrovskih problema, koji su ga zadesili prije dva dana, kada je službenim rezultatom izgubio utakmicu od Heliosa.
Ekipa je motivisana, a želja svih u klubu je da se nastavi niz dobrih igara i rezultata, te da se regularni dio sezone završi u velikom stilu.
“Borac ima kadrovskih problema, a mi idemo na pobjedu. U interesu nam je da budemo što bolje plasirani, ne bavimo se kalkulacijama. Očekujem da damo maksimum i da ovaj ‘balon’ završimo sa sve tri pobjede”, kazao je Andrej Vulević za sajt kluba.
Nastup Nikole Kočovića, koji se povrijedio protiv Šibenke je pod znakom pitanja.
Meč se igra od 21 čas.
Foto: ABA liga/Dragana Stjepanović
